« La musica que permet a l’amna de gahar la sua volada. Atau los mots que pòden arrejónher las contradas las mes pròishas deu còr. L’Art literari e poetic qui s’encontran en musica son la doça paraula qui cau tot viste tornar au món. »
Entà escotar : https://www.youtube.com/watch?v=VU5NIDOOkm8
Ò Ma Tèrra Gascona ! Balha’m drin de lenha tau huec de las annadas a vénguer e quauquas estelas tà las mias mans. Tots los dias passats a n’escríver sonque per Tu son la mia glòria ! Ò Ma Tèrra, serena e fidèla ! Au ton costat, ja sabi que’s pòt cuélher l’amna deu món ! Repòsa’t sus la mia peitrina. Drom secreta au hons deus sègles e develha’t sovent dens lo còr batent deus qui t’aiman !
